அமெரிக்காவின் நியூயார்க்கில் ஓபன் ஸ்குவாஷ் கிளாசிக் தொடர் நடக்கிறது. ஆண்கள் ஒற்றையர் முதல் சுற்றில் இந்தியாவின் வேலவன் செந்தில்குமார், சுவிட்சர்லாந்தின் வில்ஹெல்மியை சந்தித்தார். முதல் செட்டை 11-5 என கைப்பற்றிய வேலவன், அடுத்த செட்டை 12-14 என இழந்தார்.

பின் சிறப்பாக செயல்பட்ட இவர், அடுத்த இரு செட்டையும் 11-4, 11-6 என வசப்படுத்தினார். முடிவில் வேலவன் 3-1 என்ற செட் கணக்கில் வெற்றி பெற்றார்.

மற்றொரு முதல் சுற்றில் இந்தியாவின் அபே சிங், கொலம்பியாவின் ஜுவான் வர்காசை எதிர்கொண்டார். இதில் அபே சிங் 3-1 என (11-5, 7-11, 11-9, 11-3) என்ற கணக்கில் வெற்றி பெற்று, இரண்டாவது சுற்றுக்குள் நுழைந்தார்.