ராஜஸ்தானின் ஜெய்ப்பூரில் இந்தியன் ஓபன் ஸ்குவாஷ் தொடர் நடந்தது. நேற்று நடந்த பெண்கள் ஒற்றையர் பைனலில் இத்தொடரின் 'நம்பர்-5', உலகத் தரவரிசையில் 126வது இடத்திலுள்ள இந்தியாவின் தான்வி கன்னா, இத்தொடரின் 'நம்பர்-1' வீராங்கனை (உலகத் தரவரிசை 94) எகிப்தின் நுார் ககபியை எதிர்கொண்டார்.

இதன் முதல் செட்டை 3-11 என இழந்த தான்வி, அடுத்த செட்டை 11-5 என கைப்பற்றினார். மூன்றாவது செட்டை 5-11 என நழுவவிட்டார். நான்காவது செட்டில் போராடிய போதும், 10-12 என பறிபோனது. 41 நிமிடம் நடந்த போட்டியின் முடிவில் தான்வி, 1-3 என்ற செட் கணக்கில் தோல்வியடைந்து, இரண்டாவது இடம் பிடித்தார்.

ஆண்கள் ஒற்றையர் பைனலில் எகிப்து வீரர்கள் முகமது கோஹர், யாசின் ஷோடி மோதினர். இதில் யாசின் 3-0 என (11-5, 11-7, 11-3) நேர் செட்டில் வென்று சாம்பியன் ஆனார்.