அமெரிக்காவின் பிட்ஸ்பர்க் நகரில் ஆண்களுக்கான சர்வதேச ஸ்குவாஷ் தொடர் நடக்கிறது. ஒற்றையர் பிரிவு முதல் சுற்றில் இந்தியாவின் வேலவன் செந்தில்குமார், அமெரிக்காவின் ஷாஜகான் கானை எதிர்கொண்டார். முதல் இரு செட்டை 11-7, 11-4 என கைப்பற்றிய வேலவன், அடுத்த செட்டை 9-11 என நழுவவிட்டார்.

நான்காவது செட்டில் சிறப்பாக செயல்பட்ட இவர், 11-7 என வசப்படுத்தினார். முடிவில் வேலவன் 3-1 என்ற செட் கணக்கில் வெற்றி பெற்றார். இரண்டாவது சுற்றில் இத்தொடரின் 'நம்பர்-7' அந்தஸ்து பெற்ற ஸ்காட்லாந்தின் கிரெக் லாபெனை எதிர் கொள்கிறார்.

மற்றொரு முதல் சுற்றில் இந்தியாவின் ரமித் டான்டன், மெக்சிகோவின் சீசர் சாலஜருடன் மோதினார். இதில் ரமித் டான்டன் 3-0 என்ற (14-12, 11-4, 11-8) நேர் செட்டில் வெற்றி பெற்றார்.

இரண்டாவது சுற்றில் 'நம்பர்-1' வீரர் பெர்முடாவின் டீகோ எலியாசை சந்திக்க உள்ளார்.