தென் கொரியாவில் உலக டேபிள் டென்னிஸ் (அணிகள்) சாம்பியன்ஷிப் தொடர் நடக்கிறது. இதில் காலிறுதிக்கு முன்னேறினால், பாரிஸ் ஒலிம்பிக்கில் விளையாட தகுதி பெறலாம். இந்திய பெண்கள் அணி 'குரூப்-1' ல் இடம் பெற்றது.

நேற்று தனது கடைசி லீக் போட்டியில் ஸ்பெயினை சந்தித்தது. முதல் ஒற்றையரில் இந்தியாவின் ஸ்ரீஜா, 1-3 (9-11, 11-9, 11-13, 4-11) என்ற கணக்கில் மரியாவிடம் வீழ்ந்தார். அடுத்த போட்டியில் இந்தியாவின் மணிகா பத்ரா, சோபியா மோதினர். இதில் மணிகா பத்ரா, 2-3 (11-13, 11-6, 11-8, 9-11, 7-11) என தோற்க, இந்தியா 0-2 என பின்தங்கியது.

மூன்றாவது போட்டியில் இந்தியாவின் ஆயிஹா முகர்ஜீ, 3-2 (11-8, 11-13, 11-8, 9-11, 11-4) என்ற கணக்கில் எல்விராவை வென்றார். மாற்று ஒற்றையர் முதல் போட்டியில் மணிகா பத்ரா, 3-0 என (11-9, 11-2, 11-4) மரியாவை சாய்த்தார். வெற்றியாளரை முடிவு செய்யும் கடைசி, ஐந்தாவது ஒற்றையர் போட்டியில் இந்தியாவின் ஸ்ரீஜா, 4-0 என (11-6, 13-11, 11-6, 11-3) சோபியாவை வென்றார்.

முடிவில் இந்திய அணி 3-2 என்ற கணக்கில் 'திரில்' வெற்றி பெற்றது. 4 போட்டியில் 3 வெற்றி, 1 தோல்வியுடன் 7 புள்ளி பெற்று, 'ரவுண்டு-32' சுற்றுக்கு முன்னேறியது.

இந்திய ஆண்கள் அணி, நியூசிலாந்தை சந்தித்தது. இதில் இந்திய வீரர்கள் சத்யன், ஹர்மீத் தேசாய், மனுஷ் தங்களது போட்டிகளில் வெற்றி பெற்றனர். முடிவில் இந்தியா 3-0 என வென்றது.