வடக்கு மாசிடோனியாவில், உலக டேபிள் டென்னிஸ் (டபிள்யு.டி.டி.,) கன்டென்டர் தொடர் நடக்கிறது. இதன் பெண்கள் ஒற்றையர் முதல் சுற்றில் இந்தியாவின் மணிகா பத்ரா, சீனாவின் பேன் ஷுஹான் மோதினர். இதில் ஏமாற்றிய மணிகா 0-3 (10-12, 9-11, 6-11) என தோல்வியடைந்து வெளியேறினார்.

ஆண்கள் ஒற்றையர் முதல் சுற்றில் இந்தியாவின் மானுஷ் ஷா, குரோஷியாவின் டோமிஸ்லாவ் புக்கார் மோதினர். இதில் மானுஷ் 1-3 (6-11, 11-4, 6-11, 6-11) என தோல்வியடைந்தார்.

மற்றொரு முதல் சுற்றில் இந்தியாவின் மானவ் தாக்கர், சீனதைபேயின் பெங் யி-ஹசின் மோதினர். இதில் மானவ் 3-2 (3-11, 11-6, 4-11, 11-9, 11-9) என 'திரில்' வெற்றி பெற்றார்.

ஆண்கள் இரட்டையர் முதல் சுற்றில் இந்தியாவின் மானவ் தாக்கர், மானுஷ் ஷா ஜோடி 3-1 (11-6, 2-11, 11-4, 13-11) என புவர்டோ ரிக்கோவின் ஏஞ்சல் நரஞ்ஜோ, ஆஸ்கர் பிரியேல் ஜோடியை வீழ்த்தியது.