லெபனானில் உலக டேபிள் டென்னிஸ் சார்பில் (டபிள்யு.டி.டி.,) சர்வதேச தொடர் நடந்தது. பெண்கள் ஒற்றையர் பிரிவு பைனலில் உலகின் 'நம்பர்-47' ஆக உள்ள இந்தியாவின் ஸ்ரீஜா அகுலா, லக்சம்பர்க்கின் சாராவை எதிர்கொண்டார்.

காமன்வெல்த் விளையாட்டு கலப்பு இரட்டையரில் தங்கம் வென்ற ஸ்ரீஜா 6-11, 12-10, 11-5, 11-9 என்ற செட் கணக்கில் (3-1) வெற்றி பெற்று சாம்பியன் ஆனார். ஒற்றையர் அரலங்கில் இது இவரது இரண்டாவது சர்வதேச பட்டமாக அமைந்தது. முன்னதாக கடந்த ஜன., ல் அமெரிக்க தொடரில் சாம்பியன் ஆனார்.

பெண்கள் இரட்டையரில் இந்தியாவின் ஸ்ரீஜா, தியா ஜோடி 3-1 என்ற கணக்கில் ஹாங்காங் ஜோடியிடம் தோற்று, இரண்டாவது இடம் பிடித்தது. ஆண்கள் இரட்டையரில் இந்தியாவின் மானவ், மனுஷ் ஜோடி, சக இந்திய ஜோடி முதித், ஆகாஷை 3-1 என வென்று சாம்பியன் ஆனது.

கலப்பு இரட்டையர் பைனலில் இந்தியாவின் 'சீனியர்' ஜோடி மணிகா, சத்யன், 9-11, 11-7, 9-11, 0-11 என இந்தியாவின் அனுபவமற்ற பொய்மந்தீ, ஆகாஷ் ஜோடியிடம் தோற்றது.