வெனிசுலாவில் சர்வதேச டேபிள் டென்னிஸ் தொடர் நடந்தது. ஆண்கள் ஒற்றையர் பைனலில் உலகத் தரவரிசையில் 90 வது இடத்திலுள்ள இந்தியாவின் ஹர்மீத் தேசாய், 149 வதாக உள்ள பிரான்சின் ஜோ செய்பிரைடை சந்தித்தார். இதில் ஹர்மீத் 3-0 என்ற நேர் கணக்கில் (11-7, 11-8, 11-6) வெற்றி பெற்று சாம்பியன் ஆனார்.

கலப்பு இரட்டையர் பிரிவில் ஹர்மீத் தேசாய், சக வீராங்கனை கிரித்விகா ஜோடி, பைனலில் கியூபாவின் டேனியலா, ஜார்ஜ் ஜோடியை எதிர்கொண்டது. இதில் இந்திய ஜோடி, 3-2 என்ற செட் கணக்கில் (8-11, 11-9, 11-8, 9-11, 11-5) வெற்றி பெற்று சாம்பியன் ஆனது.

ஆண்கள் இரட்டையர் காலிறுதியில் ஹர்மீத் தேசாய், முதித் ஜோடி காலிறுதியில் தோல்வியடைந்தது.