சர்வதேச டேபிள் டென்னிஸ் கூட்டமைப்பு சார்பில் 'சிங்கப்பூர் ஸ்மாஷ்' தொடர் சிங்கப்பூரில் நடக்கிறது. இதற்கான தகுதிச்சுற்று போட்டிகள் நடந்தன. ஆண்கள் ஒற்றையர் இரண்டாவது போட்டியில் இந்தியாவின் ஹர்மீத் தேசாய், கனடாவின் எட்வர்டை சந்தித்தார். இதில் ஹர்மீத், 3-1 என்ற (11-8, 7-11, 11-6, 11-6) செட் கணக்கில் வெற்றி பெற்றார்.

மற்றொரு போட்டியில் இந்தியாவின் ஆகாஷ் பால், 1-3 என்ற (11-9, 6-11, 4-11, 5-11) கணக்கில் மால்டோவாவின் உர்சுவிடம் தோல்வியடைந்தார்.

இத்தொடரின் 'நம்பர்-1' அந்தஸ்து பெற்ற இந்தியாவின் சத்யன், 1-3 என (11-9, 3-11, 0-11, 0-11) என மெக்சிகோவின் கேஸ்ட்ரோவிடம் வீழ்ந்தார்.

பெண்கள் ஒற்றையர் இரண்டாவது போட்டியில் இந்தியாவின் ஆயிஹா, யாஷஸ்வினி தோல்வியடைந்தார். மற்றொரு போட்டியில் இந்தியாவின் தியா சிட்டாலே, 3-2 என (9-11, 8-11, 13-11, 11-2, 11-5) போலந்தின் கேத்தரினாவை வீழ்த்தினார்.