கஜகஸ்தானில் டபிள்யு.டி.டி., சார்பில் 'கன்டெண்டர்' டேபிள் டென்னிஸ் தொடர் நடக்கிறது. பெண்கள் இரட்டையர் அரையிறுதியில் இந்தியாவின் சிண்ட்ரெலா, சுதிர்த்தா ஜோடி, சக இந்தியாவின் தியா, யாஷஸ்வினி ஜோடியை எதிர்கொண்டது.

முதல் இரண்டு செட்டை 11-6, 12-10 என கைப்பற்றிய சிண்ட்ரெலா, சுதிர்த்தா ஜோடி, 3வது செட்டை 8-11 என இழந்தது. பின் நான்காவது செட்டை 11-6 என வசப்படுத்தியது. முடிவில் சிண்ட்ரெலா, சுதிர்த்தா ஜோடி 3-1 என்ற கணக்கில் வெற்றி பெற்று, பைனலுக்கு முன்னேறியது. இதில் இன்று ஜப்பானின் மியு ஹிரானோ, மியூ கிஹாரா ஜோடியை சந்திக்க உள்ளது.

பெண்கள் ஒற்றையர் இரண்டாவது சுற்றில் இந்தியாவின் சிண்ட்ரெலா, 0-3 என (6-11, 5-11, 8-11) போர்டோரிகோவின் அட்ரியானாவிடம் தோல்வியடைந்தார்.