சர்வதேச டேபிள் டென்னிஸ் கூட்டமைப்பு சார்பில், சென்னையில் 'ஸ்டார் கன்டெண்டர்' தொடர் நடத்தப்படுகிறது. ஆண்கள் இரட்டையர் பிரிவு முதல் சுற்றில் இந்தியாவின் சத்யன், ஹர்மீத் தேசாய் ஜோடி, இந்தியாவின் ஆர்ஜவ், ஜாஷ் மோடி ஜோடியை சந்தித்தது. இதில் சத்யன் ஜோடி 3-0 என்ற (11-6, 11-6, 11-4) நேர் செட்டில் வென்று காலிறுதிக்கு முன்னேறியது.

மற்றொரு போட்டியில் இத்தொடரின் 'நம்பர்-4' அந்தஸ்து பெற்ற இந்தியாவின் பயாஸ், அன்குர் ஜோடி 3-0 என (11-7, 11-7, 11-7), இந்தியாவின் ஆகாஷ், ஸ்நேகித் ஜோடியை வென்று, காலிறுதிக்குள் நுழைந்தது.

பெண்கள் இரட்டையர் முதல் சுற்றில் இந்தியாவின் திவ்யான்ஷி, சிண்ட்ரெல்லா ஜோடி 0-3 என (8-11, 2-11, 11-13) ஜப்பானின் சகுரா, சச்சி ஜோடியிடம் தோற்றது. மற்றொரு போட்டியில் இந்தியாவின் தியா, யாஷஸ்வினி ஜோடி 3-0 என (11-4, 11-4, 11-3), இந்தியாவின் யாஷினி, செலினா ஜோடியை வீழ்த்தியது. கலப்பு இரட்டையரில் மனுஷ் ஷா, தியா உட்பட 6 இந்திய ஜோடி காலிறுதிக்குள் நுழைந்தன.

பெண்கள் ஒற்றையர் முதல் சுற்றில் இந்தியாவின் திவ்யான்ஷி, 1-3 என (11-6, 6-11, 8-11, 5-11) தென் கொரியாவின் ஹன்னாவிடம் தோற்றார்.