ருமேனியாவின் கிளஜ் நபோகா நகரில் உலக யூத் டேபிள் டென்னிஸ் சாம்பியன்ஷிப் தொடர் நடக்கிறது. 19 வயது ஆண்கள் அணிகள் பிரிவு அரையிறுதியில் இந்திய அணி, வலிமையான சீன தைபேவை எதிர்கொண்டது.

முதல் போட்டியில் இந்தியாவின் அன்குர் பட்டாச்சார்ஜீ, 3-2 என (11-9, 11-8, 9-11, 8-11, 12-10) ஹிசெய்னை வீழ்த்தினார்.

அடுத்த போட்டியில் அபிநந்த் 1-3 என (12-10, 10-12, 8-11, 12-14), குவானிடம் தோல்வியடைந்தார். மூன்றாவது போட்டியில் இந்தியாவின் பிரியானுஜ், 3-2 என (11-8, 12-10, 8-11, 7-11, 11-8) சின் டிங்கை வீழ்த்த, இந்தியா 2-1 என முந்தியது.

அடுத்து மாற்று ஒற்றையர் போட்டி நடந்தது. இந்தியாவின் அன்குர் பட்டாச்சார்ஜீ, 0-3 என (10-12, 10-12, 10-12) வீழ்ந்தார். கடைசி, 5வது போட்டியில் இந்தியாவின் அபிநந்த், 3-0 என (11-4, 11-8, 11-8) என ஹிசெய்னை வென்றார். முடிவில் இந்திய அணி 3-2 என்ற கணக்கில் வெற்றி பெற்று, முதன் முறையாக பைனலுக்கு முன்னேறி வரலாறு படைத்தது.

பெண்கள் 'வெண்கலம்'

பெண்களுக்கான 15 வயது பிரிவு அரையிறுதியில் அங்கோலிகா, தின்யான்ஷி, அனன்யா இடம் பெற்ற இந்திய அணி, தென் கொரியாவை சந்தித்தது. இதில் இந்தியா 0-3 என்ற கணக்கில் தோல்வியடைந்து, வெண்கல பதக்கம் பெற்றது.