சர்வதேச டேபிள் டென்னிஸ் கூட்டமைப்பு சார்பில், யூத் கன்டென்டர் சீரிஸ் தொடர் நேற்று வதோதராவில் (குஜராத்) துவங்கியது. 17 வயதுக்கு உட்பட்ட பெண்களுக்கான போட்டிகள் நடந்தன. 'குரூப் 1' ல் 2 வெற்றியுடன் முதலிடம் பெற்ற இந்தியாவின் திவ்யான்ஷி, நேரடியாக இரண்டாவது சுற்றில் பங்கேற்றார். இதில் சக சக வீராங்கனை அஹோனா ராயை 11-6, 11-5, 11-4 என வென்று, மூன்றாவது சுற்றுக்கு முன்னேறினார். இதில் சக வீராங்கனை ஹன்சினியிடம் 2-3 என்ற (11-5, 9-11, 11-9, 7-11, 4-11) கணக்கில் போராடி தோல்வியடைந்தார்.

'குரூப் 18'ல் முதலிடம் பெற்ற இந்தியாவின் இனியா இளஞ்செழியன் (தமிழகம்), இரண்டாவது சுற்றில் சக வீராங்னை தனிஷ்காவை எதிர்கொண்டார். இதில் போராடிய இனியா, 1-11, 10-12, 12-14 என்ற கணக்கில் தோல்வியடைந்தார்.

மற்ற போட்டிகளில் இந்தியாவின் ஆன்வி, நைஷா, ஆரோஹி, சான்வி, காவ்யா, ஜப்பானின் மட்சுஷிமா உள்ளிட்டோர் வெற்றி பெற்று, அடுத்த சுற்றுக்குள் நுழைந்தனர்.