இந்தியாவில், புரோ கபடி லீக் 12வது சீசன் நடக்கிறது. ராஜஸ்தான் மாநிலம் ஜெய்ப்பூரில் நடந்த லீக் போட்டியில் தமிழ் தலைவாஸ், பெங்களூரு அணிகள் மோதின. பெங்களூரு அணி, முதல் பாதி முடிவில் 20-14 என முன்னிலையில் இருந்தது.

இரண்டாவது பாதியில் தமிழ் தலைவாஸ் 21, பெங்களூரு 9 புள்ளி பெற்றன. ஆட்டநேர முடிவில் தமிழ் தலைவாஸ் அணி 35-29 என்ற கணக்கில் வெற்றி பெற்றது. தமிழ் தலைவாஸ் அணிக்கு கேப்டன் அர்ஜுன் தேஷ்வால் (13 புள்ளி) கைகொடுத்தார். பெங்களூரு சார்பில் அலிரெசா 10 புள்ளி பெற்றார்.

இதுவரை விளையாடிய 5 போட்டியில், 3 வெற்றி, 2 தோல்வி என, 6 புள்ளிகளுடன் தமிழ் தலைவாஸ் அணி 6வது இடத்துக்கு முன்னேறியது. பெங்களூரு அணி, 8 புள்ளிகளுடன் 4வது இடத்தில் நீடிக்கிறது.

மற்றொரு லீக் போட்டியில் பெங்கால், உ.பி., அணிகள் மோதின. இதில் பெங்கால் அணி 41-37 என்ற கணக்கில் 2வது வெற்றியை பதிவு செய்தது. பெங்கால் அணிக்கு கேப்டன் தேவங்க் (17 புள்ளி) கைகொடுத்தார்.