அமெரிக்காவில் 'பிட்ஸ்பர்க்' சர்வதேச ஸ்குவாஷ் தொடர் நடக்கிறது. இதன் ஒற்றையர் பிரிவு இரண்டாவது சுற்றில், உலகத் தரவரிசையில் 63 வது இடத்திலுள்ள இந்தியாவின் வேலவன் செந்தில்குமார், 'நம்பர்-55' வது வீரர் அமெரிக்காவின் பராஸ் கானை எதிர்கொண்டார்.

முதல் செட்டை 11-6 என கைப்பற்றிய வேலவன், அடுத்த செட்டை 5-11 என கோட்டை விட்டார்.

பின் சுதாரித்துக் கொண்ட வேலவன் அடுத்த செட்டை 11-5 என வசப்படுத்தினார். தொடர்ந்து நான்காவது செட்டையும் 11-8 என கைப்பற்றினார். முடிவில் வேலவன் 3-1 என்ற செட் கணக்கில் வெற்றி பெற்று, காலிறுதிக்கு முன்னேறினார்.

இதில் உலகின் 21வது இடத்திலுள்ள எகிப்தின் இப்ராஹிம் யூசுப்பை சந்திக்க உள்ளார்.