ரூர்கேலா (ஒடிசா), ராஞ்சியில் (ஜார்க்கண்ட்) பெண்களுக்கான ஹாக்கி இந்தியா லீக் முதல் சீசன் நடக்கிறது. ராஞ்சியில் நடந்த லீக் போட்டியில் சூர்மா (பஞ்சாப், ஹரியானா), டில்லி அணிகள் மோதின. அபாரமாக ஆடிய சூர்மா அணி 5-1 என்ற கோல் கணக்கில் வெற்றி பெற்றது. சூர்மா அணிக்கு சோனம் 2 (9, 10வது நிமிடம்), சார்லோட்டி எங்கிள்பர்ட் (6வது), சார்லோட்டி ஸ்டேபன்ஹார்ஸ்ட் (36வது), பென்னி ஸ்குவிப் (60வது) தலா ஒரு கோல் அடித்து கைகொடுத்தனர். டில்லி அணி சார்பில் சங்கீதா குமாரி (38வது நிமிடம்) ஒரு கோல் அடித்தார்.

நான்கு போட்டியில், 3 வெற்றி, ஒரு தோல்வி என 9 புள்ளிகளுடன் சூர்மா அணி முதலிடத்துக்கு முன்னேறியது. அடுத்த மூன்று இடங்களில் ஒடிசா (8 புள்ளி), பெங்கால் (4), டில்லி (3) அணிகள் உள்ளன.