கோவாவில், உலக கோப்பை செஸ் 11வது சீசன் நடக்கிறது. மொத்தம் 206 பேர் பங்கேற்கின்றனர். உலக சாம்பியன், இந்தியாவின் குகேஷ், 3வது சுற்றில் அதிர்ச்சி தோல்வியடைந்து வெளியேறினார். இந்தியாவின் அர்ஜுன் எரிகைசி, பிரக்ஞானந்தா, ஹரிகிருஷ்ணா, பிரனவ், கார்த்திக் வெங்கடராமன் என 5 வீரர்கள் நான்காவது சுற்றுக்கு முன்னேறினர்.

நேற்று துவங்கிய நான்காவது சுற்றில் முதல் போட்டிகள் நடந்தன. அர்ஜுன், ஹங்கேரியின் பீட்டர் லெகோவை சந்தித்தார். போட்டி துவங்கிய ஒரு மணி நேரத்தில் இருவரும் 'டிரா' செய்ய சம்மதித்தனர். ஸ்கோர் 0.5-0.5 என சமனில் உள்ளது.

பிரக்ஞானந்தா, ரஷ்யாவின் டேனில் டுபோவை எதிர்கொண்டார். துவக்கத்தில் பின் தங்கிய பிரக்ஞானந்தா, 41 வது நகர்த்தலில் 'டிரா' செய்தார்.

பிரனவ்-உஸ்பெகிஸ்தானின் நாடிர்பெக், ஹரி கிருஷ்ணா-சுவீடனின் கிரான்டெலியஸ், கார்த்திக் வெங்கடராமன்-சீனாவின் லியம் லீ மோதிய நான்காவது சுற்றின் முதல் போட்டிகள் 'டிரா' ஆகின.