அல்பேனியாவின் திரானா நகரில் சர்வதேச மல்யுத்த 'ரேங்கிங்' தொடர் நடக்கிறது. பெண்களுக்கான 'பிரீஸ்டைல்' போட்டிகள் நடந்தன. 50 கிலோ பிரிவில் இந்தியா சார்பில் பிரியான்ஷி, முஸ்கான் பங்கேற்றனர். அரையிறுதியில் பிரியான்ஷி 4-0 என ரஷ்யாவின் வலேரியாவை வீழ்த்தினார்.

அடுத்து நடந்த பைனலில் 23 வயது பிரிவு ஆசிய சாம்பியன் ஆன பிரியான்ஷி, கஜகஸ்தானின் ஜெய்னெப்பிடம் 2-13 என்ற கணக்கில் தோல்வியடைய, வெள்ளிப்பதக்கம் கைப்பற்றினார்.

மற்றொரு அரையிறுதியில் வீழ்ந்த முஸ்கான், 'ரெப்பிசாஜ்' போட்டியில் அமெரிக்காவின் கேந்த்ரா ரோசை 10-0 என வீழ்த்தினார். இதே பிரிவில் வெண்கலப் பதக்கம் வசப்படுத்தினார். 65 கிலோ பிரிவு காலிறுதியில் இந்தியாவின் அபேக்சா, அமெரிக்கானின் நினாவை வீழ்த்தி, அரையிறுதிக்கு முன்னேறினார்.

55 கிலோ பிரிவு வெண்கலப் பதக்கத்துக்கான போட்டியில் இந்தியாவின் புஷ்பா, 2-3 என ஜெர்மனியின் அனஸ்டாசியாவிடம் வீழ்ந்தார்.