அல்பேனியாவில் உலக மல்யுத்த சாம்பியன்ஷிப் (23 வயதுக்குட்பட்ட) போட்டி நடக்கிறது. பெண்களுக்கான 'பிரீஸ்டைல்' 53 கிலோ பிரிவில் இந்தியாவின் அஞ்லி பங்கேற்றார். பைனலில் உஸ்பெகிஸ்தானின் சோலோமியாவை சந்தித்தார். இதில் அஞ்லி 4-7 என்ற கணக்கில் தோல்வியடைய, வெள்ளிப்பதக்கம் கிடைத்தது.

பெண்களுக்கான 68 கிலோ பிரிவு 'ரெப்பிசாஜ்' போட்டியில், இந்தியாவின் மோனிகா, சீனாவின் ஜின்ஜியை 5-3 என வென்று, வெண்கலப் பதக்கம் தட்டிச் சென்றார்.

55 கிலோ பிரிவில் இந்தியாவின் பவிகா, 2-5 என அமெரிக்காவின் ஜோன்சிடம் தோல்வியடைந்தார். இதுவரை இத்தொடரில் இந்தியா ஒரு வெள்ளி, 2 வெண்கலம் என 3 பதக்கம் கைப்பற்றியுள்ளது.