போர்ச்சுகலில் பெண்களுக்கான ஐ.டி.எப்., டென்னிஸ் தொடர் நடக்கிறது. இதன் ஒற்றையர் பிரிவு முதல் சுற்றில் இந்தியாவின் அன்கிதா ரெய்னா, இத்தாலியின் லாரா பிபெய்பரை எதிர்கொண்டார். முதல் செட்டை அன்கிதா 6-2 என கைப்பற்றினார்.

தொடர்ந்து அசத்திய இவர், அடுத்த செட்டையும் 6-2 என எளிதாக வசப்படுத்தினார். ஒரு மணி நேரம், 22 நிமிடம் நடந்த போட்டியின் முடிவில் அன்கிதா, 6-2, 6-2 என்ற நேர் செட்டில் வெற்றி பெற்றார்.

ராஷ்மிகா வெற்றி

தென் கொரியாவில் நடக்கும் ஐ.டி.எப்., டென்னிஸ் முதல் சுற்றில் இந்தியாவின் ஸ்ரீவள்ளி ராஷ்மிகா, சீனாவின் ஹான் ஷி மோதினர். இதில் ராஷ்மிகா, 6-3, 6-4 என்ற நேர் செட்டில் வெற்றி பெற்று, இரண்டாவது சுற்றுக்குள் நுழைந்தார்.