லண்டனில், விம்பிள்டன் கிராண்ட்ஸ்லாம் டென்னிஸ் தொடர் நடக்கிறது. நேற்றைய 6ம் நாள் போட்டிகள் மழையால் தாமதமாக துவங்கின. ஆண்கள் ஒற்றையர் பிரிவு 3வது சுற்றில், 'நடப்பு சாம்பியன்' ஸ்பெயினின் கார்லஸ் அல்காரஸ், ஜெர்மனியின் ஜான்-லெனார்டு ஸ்டிரப் மோதினர். இதில் அல்காரஸ் 6-1, 3-6, 6-3, 6-4 என்ற கணக்கில் வெற்றி பெற்று 4வது சுற்றுக்குள் நுழைந்தார்.

மற்றொரு 3வது சுற்றில் உலகின் 'நம்பர்-1' இத்தாலியின் ஜானிக் சின்னர் 6-1, 6-3, 6-1 என ஸ்பெயினின் பெட்ரோ மார்டினெசை வீழ்த்தினார்.

பெண்கள் ஒற்றையர் பிரிவு 3வது சுற்றில் உலகின் 'நம்பர்-1' பெலாரசின் அரினா சபலென்கா, பிரிட்டனின் எம்மா ரடுகானு மோதினர். அபாரமாக ஆடிய சபலென்கா 7-6, 6-4 என்ற நேர் செட் கணக்கில் வெற்றி பெற்றார். மற்றொரு போட்டியில் ரஷ்யாவின் மிர்ரா ஆன்ட்ரீவா 6-1, 6-3 என அமெரிக்காவின் ஹெய்லி பாப்டிஸ்டை தோற்கடித்தார்.

உக்ரைனின் எலினா ஸ்விடோலினா 1-6, 6-7 என பெல்ஜியத்தின் எலிஸ் மெர்டென்சிடம் தோல்வியடைந்தார். ஆஸ்திரேலியாவின் டாரியா கசட்கினா 2-6, 3-6 என ரஷ்யாவின் லியுட்மிலா சாம்சோனோவாவிடம் வீழ்ந்தார்.

மற்றொரு போட்டியில் கஜகஸ்தானின் எலினா ரிபாகினா 6-7, 3-6 என டென்மார்க்கின் கிளாரா டாசனிடம் தோல்வியடைந்தார்.

மற்றொரு 3வது சுற்றுப் போட்டியில் போலந்தின் இகா ஸ்வியாடெக் 6-2, 6-3 என அமெரிக்காவின் டேனியல் கோலின்சை வீழ்த்தினார்.