பிரான்ஸ் தலைநகர் பாரிசில், பிரெஞ்ச் ஓபன் கிராண்ட்ஸ்லாம் டென்னிஸ் தொடர் நடக்கிறது. பெண்கள் ஒற்றையர் 3வது சுற்றில் அமெரிக்காவின் கோகோ காப், உக்ரைனின் டயானா யாஸ்டிரெம்ஸ்கா மோதினர். இதில் கோகோ காப் 6-2, 6-4 என்ற நேர் செட் கணக்கில் வெற்றி பெற்று, 4வது சுற்றுக்குள் நுழைந்தார்.

மற்றொரு போட்டியில் ரஷ்யாவின் சாம்சோனோவா 6-7, 2-6 என இத்தாலியின் எலிசபெட்டா கோசியாரெட்டோவிடம் தோல்வியடைந்தார். செர்பியாவின் டானிலோவிச் 0-6, 7-5, 7-6 என குரோஷியாவின் டோனா வேகிக்கை போராடி வீழ்த்தினார். மற்ற 3வது சுற்றுப் போட்டிகளில் போலந்தின் இகா ஸ்வியாடெக், துனிசியாவின் ஜபீர் வெற்றி பெற்றனர்.

இரண்டாவது சுற்றில் அமெரிக்காவின் மேடிசன் கீஸ் 6-0, 7-6 என எகிப்தின் மேயர் ஷெரிப்பை தோற்கடித்தார்.