இந்தியாவின் புனேயில் பெண்களுக்கான ஐ.டி.எப்., டென்னிஸ் தொடர் நடக்கிறது. இரட்டையர் பிரிவு காலிறுதியில் இந்தியாவின் ருடுஜா போசாலே, பிரிட்டனின் பார்னெட் ஜோடி, பிரிட்டனின் மியாஜகி, லிச்டென்ஸ்டெய்னின் கத்தின்கா ஜோடியை சந்தித்தது.

முதல் செட்டை ருடுஜா ஜோடி 6-2 என கைப்பற்றியது. தொடர்ந்து இரண்டாவது செட்டையும் 6-3 என வசப்படுத்தியது. ஒரு மணி நேரம், 8 நிமிடம் நடந்த போட்டியின் முடிவில் ருடுஜா ஜோடி 6-2, 6-3 என்ற நேர் செட்டில் வெற்றி பெற்று, அரையிறுதிக்கு முன்னேறியது.

பெண்கள் ஒற்றையர் இரண்டாவது சுற்றில் இந்தியாவின் ஸ்ரீவள்ளி ராஷ்மிகா, 6-7, 2-6 என்ற நேர் செட்டில் ஹங்கேரியின் பனா உத்வார்டியிடம் தோல்வியடைந்தார். மற்றொரு போட்டியில் இந்தியாவின் சஹாஜா, 6-4, 3-6 என பிரான்சின் ஜீன்ஜீனிடம் வீழ்ந்தார்.