துபாயில் ஆண்களுக்கான ஏ.டி.பி., சர்வதேச டென்னிஸ் தொடர் நடக்கிறது. இதன் இரட்டையர் பிரிவு முதல் சுற்றில் இந்தியாவின் யூகி பாம்ப்ரி, ஆஸ்திரேலியாவின் பாபிரின் ஜோடி, குரோஷியாவின் மேட் பவிக், எல் சால்வடாரின் மார்செலோ ஜோடியை எதிர்கொண்டது. முதல் செட்டை பாம்ப்ரி ஜோடி 4-6 என இழந்தது. இரண்டாவது செட்டை 'டை பிரேக்கர்' வரை சென்று 7-6 என வசப்படுத்தியது. பின் நடந்த சூப்பர் டை பிரேக்கரில் பாம்ப்ரி ஜோடி, 10-3 என எளிதாக கைப்பற்றியது.

ஒரு மணி நேரம், 28 நிமிடம் நடந்த போட்டியின் முடிவில் பாம்ப்ரி ஜோடி, 4-6, 6-7, 10-3 என வெற்றி பெற்று காலிறுதிக்குள் நுழைந்தது.

மற்றொரு போட்டியில் இந்தியாவின் ஜீவன் நெடுஞ்செழியன், விஜய்சுந்தர் பிரசாந்த் ஜோடி, 4-6, 6-7 என ஆஸ்திரேலியாடின் பீர்ஸ், பிரிட்டனின் முர்ரே ஜோடியிடம் போராடி வீழ்ந்தது.