பிரான்ஸ் தலைநகர் பாரிசில் பிரெஞ்ச் ஓபன் கிராண்ட்ஸ்லாம் டென்னிஸ் தொடர் நடக்கிறது. இதன் பெண்கள் ஒற்றையர் பிரிவு 2வது சுற்றில் அமெரிக்காவின் சோபியா கெனின், பிரான்சின் கரோலின் கார்சியா மோதினர். அபாரமாக ஆடிய கெனின் 6-3, 6-3 என்ற நேர் செட் கணக்கில் வெற்றி பெற்றார்.

மற்றொரு போட்டியில் துனிசியாவின் ஆன்ஸ் ஜபீர் 6-3, 1-6, 6-3 என கொலம்பியாவின் கமிலா ஓசோரியோவை தோற்கடித்தார்.

ஜோகோவிச் வெற்றி

ஆண்கள் ஒற்றையர் பிரிவு முதல் சுற்றில் உலகின் 'நம்பர்-1' செர்பியாவின் நோவக் ஜோகோவிச், பிரான்சின் பியர்-ஹியூஸ் ஹெர்பர்ட் மோதினர். இதில் அபாரமாக ஆடிய 'நடப்பு சாம்பியன்' ஜோகோவிச் 6-4, 7-6, 6-4 என்ற நேர் செட் கணக்கில் வெற்றி பெற்றார்.

இரண்டாவது சுற்று போட்டியில் கிரீசின் ஸ்டெபானஸ் சிட்சிபாஸ், ஜெர்மனியின் டேனியல் அல்ட்மேயர் மோதினர். இரண்டு மணி நேரம், 43 நிமிடம் நீடித்த போட்டியில் சிட்சிபாஸ் 6-3, 6-2, 6-7, 6-4 என்ற கணக்கில் வெற்றி பெற்று 3வது சுற்றுக்குள் நுழைந்தார். மற்றொரு 2வது சுற்றில் ஸ்பெயினின் கார்லஸ் அல்காரஸ் 6-3, 6-4, 2-6, 6-2 என நெதர்லாந்தின் ஜெஸ்பர் டி ஜோங்கை வீழ்த்தினார்.

பெரும்பாலான போட்டிகள் மழையால் பாதிக்கப்பட்டன.