மகாராஷ்டிராவின் புனேயில் ஏ.டி.பி., சாலஞ்சர் கோப்பை டென்னிஸ் தொடர் நடக்கிறது. இதன் இரட்டையர் பிரிவு காலிறுதியில் இந்தியாவின் சாகேத் மைனேனி, ராம்குமார் ராமநாதன் ஜோடி, குரோஷியாவின் டுஜே அஜ்டுகோவிச், இத்தாலியின் என்ரிகோ டல்லா வல்லே ஜோடியை சந்தித்தது. இதில் மைனேனி-ராமநாதன் ஜோடி 6-2, 6-7, 10-2 என்ற கணக்கில் வெற்றி பெற்றது.

மற்றொரு காலிறுதியில் இந்தியாவின் அர்ஜுன் காதே, ஜீவன் நெடுஞ்செழியன் ஜோடி 6-4, 7-6 என ஜெர்மனியின் மார்க் வால்னர், ஜேக்கப் ஜோடியை வீழ்த்தியது.

ஒற்றையர் பிரிவு 'ரவுண்டு-16' போட்டியில் இந்தியாவின் சுமித் நாகல், நிக்கி கலியாண்ட பூனாச்சா மோதினர். இதில் சுமித் நாகல் 4-6, 3-6 என தோல்வியடைந்தார். மற்றொரு போட்டியில் இந்தியாவின் ராம்குமார் ராமநாதன் 4-6, 4-6 என ரஷ்யாவின் அலெக்சி ஜகரோவிடம் வீழ்ந்தார்.