சென்னையில், ஏ.டி.பி., சேலஞ்சர் டென்னிஸ் தொடர் நடக்கிறது. இதன் இரட்டையர் பிரிவு பைனலில் இந்தியாவின் ராம்குமார் ராமநாதன், சாகேத் மைனேனி ஜோடி, ஜப்பானின் ஷின்டாரோ மோச்சிசுகி, கைடோ உசுகி ஜோடியை எதிர்கொண்டது. முதல் செட்டை 4-6 என இழந்த இந்திய ஜோடி, இரண்டாவது செட்டை 4-6 எனக் கோட்டைவிட்டது.

ஒரு மணி நேரம், 6 நிமிடம் நீடித்த பைனலில் முடிவில் ராம்குமார், மைனேனி ஜோடி 4-6, 4-6 என்ற நேர் செட் கணக்கில் தோல்வியடைந்தது.

ஒற்றையர் பிரிவு அரையிறுதியில் எலியாஸ், பிரிட்டனின் பில்லி ஹாரிஸ் மோதினர். அபாரமாக ஆடிய எலியாஸ் 7-6, 7-6 என்ற கணக்கில் வெற்றி பெற்று பைனலுக்கு முன்னேறினார். மற்றொரு அரையிறுதியில் பிரான்சின் கைரியன் 6-4, 6-1 என்ற நேர் செட் கணக்கில் செக்குடியரசின் டாலிபர் ஸ்வர்சினாவை வீழ்த்தினார்.