இத்தாலியில் ஆண்களுக்கான ஏ.டி.பி., சாலஞ்சர் கோப்பை டென்னிஸ் தொடர் நடந்தது. இதன் இரட்டையர் பிரிவு பைனலில் இந்தியாவின் ஸ்ரீராம் பாலாஜி, ஜெர்மனியின் ஆன்ட்ரி பெய்ஜ்மான் ஜோடி, பொலிவியாவின் பெடரிகோ செபாலோஸ், போரிஸ் அரியாஸ் ஜோடியை எதிர்கொண்டது.

முதல் செட்டை 6-4 எனக் கைப்பற்றிய இந்தியா-ஜெர்மனி ஜோடி, 'டை பிரேக்கர்' வரை சென்ற இரண்டாவது செட்டை 6-7 என இழந்தது. வெற்றியாளரை நிர்ணயிக்கும் 'சூப்பர் டை பிரேக்கரில்' எழுச்சி கண்ட பாலாஜி ஜோடி 10-6 என வென்றது.

ஒரு மணி நேரம், 55 நிமிடம் நீடித்த போட்டியில் அசத்திய பாலாஜி, பெய்ஜ்மான் ஜோடி 6-4, 6-7, 10-6 என்ற கணக்கில் வெற்றி பெற்று சாம்பியன் ஆனது.