பெங்களூருவில் ஏ.டி.பி., சாலஞ்சர் டென்னிஸ் 6வது சீசன் நடக்கிறது. ஒற்றையர் பிரிவு முதல் சுற்றில் இந்தியாவின் சுமித் நாகல், பிரான்சின் ஜெப்ரேவை சந்தித்தார். சமீபத்தில் சென்னையில் நடந்த சாலஞ்சர் தொடரில் கோப்பை வென்ற சுமித் நாகல், முதல் செட்டை 6-2 என எளிதாக கைப்பற்றினார்.

தொடர்ந்து அசத்திய இவர் அடுத்த செட்டையும் 6-2 என வசப்படுத்தினார். ஒரு மணி நேரம், 28 நிமிடம் நடந்த போட்டியின் முடிவில் 6-2, 6-2 என்ற நேர் செட் கணக்கில் வெற்றி பெற்றார்.

இரட்டையர் பிரிவு முதல் சுற்றில் இந்தியாவின் சுரேஷ் குமார், சாய் கார்த்தீக் ஜோடி, பிரான்சின் பிட்டவுன், ஜான்வியர் ஜோடியை எதிர்கொண்டது. முதல் செட்டை 2-6 என நழுவவிட்ட இந்திய ஜோடி அடுத்த செட்டையும் 7-6 என கோட்டை விட்டது. முடிவில் இந்திய ஜோடி 6-2, 6-7 என்ற கணக்கில் தோல்வியடைந்தது.