மத்திய பிரதேசத்தில் ஆண்களுக்கான டென்னிஸ் ஐ.டி.எப்., டென்னிஸ் தொடர் நடக்கிறது. இதன் இரட்டையர் பிரிவு முதல் சுற்றில் இந்தியாவின் தக்சினேஷ்வர், பரிக்சித் ஜோடி, இத்தொடரின் 'நம்பர்-1' அந்தஸ்து பெற்ற ரஷ்யாவின் இகோர், கஜகஸ்தானின் கிரிகோரி ஜோடியை எதிர்கொண்டது.

முதல் செட்டை இந்திய ஜோடி 6-3 என எளிதாக வென்றது. தொடர்ந்து அடுத்த செட்டையும் 6-4 என வசப்படுத்தியது. ஒரு மணி நேரம், 6 நிமிடம் நடந்த போட்டியின் முடிவில் தக்சினேஷ்வர் ஜோடி 6-3, 6-4 என வென்று காலிறுதிக்கு முன்னேறியது.

மற்ற போட்டியில் வெற்றி பெற்ற இந்தியாவின் துஹான்-ஜாவியா, இக்பால்-ஆரியன் ஜோடி காலிறுதிக்குள் நுழைந்தன.