மத்திய பிரதேசத்தில் ஆண்களுக்கான டென்னிஸ் ஐ.டி.எப்., டென்னிஸ் தொடர் நடக்கிறது. இதன் இரட்டையர் பிரிவு காலிறுதியில் இந்தியாவின் தக்சினேஷ்வர், பரிக்சித் ஜோடி, இந்தியாவின் சித்தார்த், ஜப்பானின் இனுய் ஜோடியை சந்தித்தது.

முதல் செட்டை இந்திய ஜோடி 5-7 என இழந்தது. பின் சுதாரித்துக் கொண்ட இந்திய ஜோடி அடுத்த செட்டை 6-3 என கைப்பற்றியது. வெற்றியாளரை முடிவு செய்ய 'சூப்பர் டைபிரேக்கர்' நடந்தது. இதை இந்திய ஜோடி 12-10 என வசப்படுத்தியது.

ஒரு மணி நேரம், 25 நிமிடம் நடந்த போட்டியின் முடிவில் இந்தியாவின் தக்சினேஷ்வர் ஜோடி 5-7, 6-3, 12-10 என வென்று அரையிறுதிக்கு முன்னேறியது.

நேற்று நடந்த ஒற்றையர் இரண்டாவது சுற்று போட்டியில் இந்தியாவின் தக்சினேஷ்வர், ரஷ்யாவின் ஜூகோவிடம் 4-6, 6-3, 4-6 என போராடி தோல்வியடைந்தார்.