மத்திய பிரதேசத்தில் ஆண்களுக்கான ஐ.டி.எப்., டென்னிஸ் தொடர் நடக்கிறது. ஆண்கள் இரட்டையரில் சமீபத்தில் இந்துார் தொடரில் கோப்பை வென்ற இந்தியாவின் தக்சினேஷ்வர் (தமிழகம்), பரிக்சித் ஜோடி, முதல் சுற்றில், இத்தொடரில் 'நம்பர்-2' அந்தஸ்து பெற்ற ரஷ்யாவின் பாப்ரோவ், அகபோனோவ் ஜோடியை சந்தித்தது.

ஒரு மணி நேரம், 45 நிமிடம் நடந்த போட்டியின் முடிவில் தக்சினேஷ்வர், பரிக்சித் ஜோடி, 7-6, 7-6 என்ற நேர் செட்டில் போராடி வெற்றி பெற்றது. மற்ற போட்டிகளில் இந்தியாவின் விஷ்ணுவர்தன், சாய் பிரதீக் ஜோடி, சுரேஷ்குமார், சின்ஹா ஜோடி வெற்றி பெற்றன.