தஞ்சாவூர்:அரியலுார் மாவட்டம், கீழநத்தம் கிராமத்தைச் சேர்ந்தவர் கோவிந்தசாமி, 44, கூலித் தொழிலாளி; தே.மு.தி.க., நிர்வாகி. இவருக்கு மனைவி, இரு குழந்தைகள் உள்ளனர். இவர், சில தனியார் நிதி நிறுவனங்களில் கடன் பெற்று இருந்தாராம். கொரோனா தொற்று காலத்தில், இவரால் சரிவர கடனை திருப்பி செலுத்த முடியவில்லை. அதனால், கூடுதல் வட்டியுடன் பணத்தை செலுத்துமாறு, பணம் கொடுத்த நிறுவனங்களின் ஊழியர்கள் வீட்டிற்கு வந்து மிரட்டியதாக கூறப்படுகிறது.