இந்நிலையில், நேற்று முன்தினம் இரவு, மர்ம நபர்கள் கோவிலின் பூட்டை உடைத்து, கருவறையில் அம்மன் கழுத்தில் இருந்து தங்கத்தாலி செயின் மற்றும் கோவில் பூஜை பொருட்களை திருடிச் சென்றனர்.

கோவில் பூசாரி, நேற்று காலை வழக்கம் போல் கோவிலுக்கு சென்ற போது, கோவிலின் பூட்டு உடைக்கப்பட்டு இருப்பதை கண்டு அதிர்ச்சி அடைந்து, படாளம் போலீசாருக்கு தகவல் அளித்துள்ளார்.

சம்பவ இடத்திற்குச் சென்ற போலீசார், கைரேகை நிபுணர்களை வரவழைத்து தடயங்களை சேகரித்தனர். பின், வழக்கு பதிவு செய்து விசாரித்து வருகின்றனர்.