இதில், இலவச வீட்டுமனை பட்டா, மின் அழுத்த குறைபாடு, மின் கம்பங்கள் மாற்றம், மின்மாற்றிகள் மாற்றம், வேலை வாய்ப்பு உள்ளிட்ட கோரிக்கைகள் அடங்கிய, 453 மனுக்கள் வரப்பெற்றன. இந்த மனுக்கள் மீது உரிய நடவடிக்கை எடுக்க, அதிகாரிகளுக்கு அமைச்சர் உத்தரவிட்டார். அதன்பின், அமைச்சர் அன்பரசன் பேசியதாவது:

செங்கல்பட்டு மாவட்டத்தில், மின் அழுத்த குறைபாடு, மின் கம்பங்கள் மாற்றம் கோரி, அதிகமான மனுக்கள் வந்துள்ளன. இப்பிரச்னைக்களுக்கு உடனடியாக தீர்வு காண, மின்வாரிய அதிகாரிகள் நடவடிக்கை எடுக்க வேண்டும்.

வட்டார வளர்ச்சி அலுவலர்கள் கிராமங்களுக்கு செல்வதில்லை என்பது தெரிகிறது. கிராமங்களுக்கு, வட்டார வளர்ச்சி அலுவலர்கள் சென்று, மக்களுக்கு தேவையான அடிப்படை வசதிகளை செய்து தர வேண்டும். அனைத்து துறை அதிகாரிகளும் இணைந்து செயல்பட்டு, மக்கள் பிரச்னைகளுக்கு தீர்வு காண வேண்டும்.

இவ்வாறு அவர் பேசினார்.