செய்யூர் மற்றும் அதன் சுற்றுவட்டாரப் பகுதிகளான கடப்பாக்கம், சூணாம்பேடு, சித்தாமூர், பவுஞ்சூர் உள்ளிட்ட பகுதிகளில் இருந்து, நாள்தோறும் ஏராளமானோர் இந்த இ- -சேவை மையத்திற்கு வந்து செல்கின்றனர்.

வட்டாட்சியர் அலுவலகத்தில் இருந்து வாக்குச்சாவடி மையங்களுக்கு வாக்குப்பதிவு இயந்திரங்கள் அனுப்பி வைக்கும் பணி இருந்ததால், இ- - சேவை மையம் தற்காலிகமாக நேற்று மூடப்பட்டது.

இ- - சேவை மையம் மூடப்பட்டதற்கான எந்த வித அறிவிப்பும் ஒட்டப்படவில்லை.. அதனால், பல்வேறு தேவைகளுக்காக வந்த மக்கள், வட்டாட்சியர் அலுவகத்தில் இ- - சேவை மையத்தை தேடி அலைந்து, பின் ஏமாற்றத்துடன் திரும்பிச் சென்றனர்.

ஆகையால், இ- - சேவை மையம் மூடப்பட்டது தொடர்பான அறிவிப்பை, கதவுகளில் ஒட்டி வைக்க நடவடிக்கை எடுக்க வேண்டும் என, அப்பகுதிவாசிகள் எதிர்பார்க்கின்றனர்.