திருப்போரூர் ஊராட்சி ஒன்றிய நிர்வாக கட்டுப்பாட்டில், மேற்கண்ட கேளம்பாக்கம், சாத்தங்குப்பம் கிராமம் வருகிறது.ஆனால், தாலுகா நிர்வாக கட்டுப்பாட்டில், சாத்தங்குப்பம் கிராமம் மட்டும், மாம்பாக்கம் குறுவட்டத்திலும், கூடுவாஞ்சேரியில் இயங்கும் வண்டலுார் தாலுகா கட்டுப்பாட்டிலும் உள்ளது.

இதனால், மக்கள் ஊரக வளர்ச்சித்திட்ட சேவைகளை பெற, 8 கி.மீ.,ல் உள்ள திருப்போரூர் பி.டி.ஓ., அலுவலகத்திற்கும், வருவாய்த்துறை சார்ந்த சேவைகளை பெற, 20 கி.மீ.,ல் உள்ள கூடுவாஞ்சேரிக்கும் செல்ல வேண்டியுள்ளது.

இவ்வாறு, வெவ்வேறு இடங்களில் உள்ள அலுவலகங்களுக்கு செல்வதால், மக்கள் பெரும் அளவில் அவதிப்படுகின்றனர்.

எனவே, சாத்தங்குப்பம் கிராமத்தை கேளம்பாக்கம் வருவாய் குறுவட்டத்திலும், திருப்போரூர் தாலுகாவிலும் இணைக்க வேண்டும் என, அப்பகுதிவாசிகள் வலியுறுத்தி வருகின்றனர்.