தென்மேல்பாக்கம் - கொண்டமங்கலம் ஆகிய கிராமங்களுக்கு இடைப்பட்ட பகுதியில் சாலையில் இருபுறமும் 1 கி. மீ., வரை காப்பு காடுகள் உள்ளன.

இந்த பகுதியில் சாலை ஓரம் 20 அடி உயர தைலமரம் ஒன்று காய்ந்த நிலையில் சாய்ந்து உள்ளது. பலத்த காற்று வீசினால் ,அந்த பகுதியை வாகன ஓட்டிகள் கடக்கும் போது மரம் முறிந்து மேல விழுமோ என்ற அச்ச உணர்வுடன் செல்வதாக வாகன ஓட்டிகள் கூறுகின்றனர். விபத்து ஏதும் ஏற்படும் முன், காய்ந்த மரத்தை அப்புறப்படுத்த நடவடிக்கை எடுக்க வேண்டும் என அவர்கள் கோரிக்கை விடுத்துள்ளனர்.