நேற்று முன்தினம் இரவு, திம்மாவரம் சின்ன தெருவில் இருசக்கர வாகனத்தில் சென்ற போது, தெருவில் சைக்கிளில் விளையாடிக் கொண்டிருந்த குழந்தை குறுக்கே சென்றதால், ரமேஷ் இருசக்கர வாகனத்தில் பிரேக் பிடித்தார்.

அப்போது, பைக் தடுமாறி சாலை தடுப்பில் மோதியது. இதில் கீழே விழுந்த ரமேஷுக்கு தலையில் காயம் ஏற்பட்டது. அக்கம் பக்கத்தினர் அவரை மீட்டு, 108 ஆம்புலன்ஸ் வழியாக, செங்கல்பட்டு அரசு மருத்துவமனைக்கு அனுப்பி வைத்தனர்.

அங்கு அவரை பரிசோதனை செய்த மருத்துவர்கள், ரமேஷ் ஏற்கனவே இறந்து விட்டதாக தெரிவித்தனர். இச்சம்பவம் குறித்து செங்கல்பட்டு தாலுகா போலீசார் வழக்கு பதிந்து விசாரிக்கின்றனர்.