அப்போது, சென்னை - திருச்சி தேசிய நெடுஞ்சாலையில், மாமண்டூர் தனியார் உணவகம் அருகே ஆட்டோ சென்றபோது, திருச்சிக்கு இரும்பு கம்பிகளை ஏற்றிச் சென்ற ஈச்சர் லாரி, எதிர்பாராத விதமாக ஆட்டோவின் பின்னால் மோதியது.

இதில், ஆட்டோவில் பயணம் செய்த நால்வரும் பலத்த காயமடைந்தனர்.

தகவல் அறிந்து, சம்பவ இடத்திற்கு சென்ற படாளம் போலீசார், காயமடைந்தவர்களை மீட்டு, 108 ஆம்புலன்ஸ் வாயிலாக, செங்கல்பட்டு அரசு மருத்துவக் கல்லுாரி மருத்துவமனைக்கு அனுப்பி வைத்தனர்.

இதில், மருத்துவமனையில் சிகிச்சை பலனின்றி, கிருஷ்ணவேணி, 34, உயிரிழந்தார். வழக்கு பதிவு செய்த படாளம் போலீசார், விபத்தை ஏற்படுத்தி, தலைமறைவான ஈச்சர் லாரி ஓட்டுனரை தேடி வருகின்றனர்.