மதுராந்தகம் அடுத்த அய்யனார் நகரில், அய்யனாரப்பன் கோவிலில், ஆடி மாத திருவிழா நேற்று துவங்கியது. காலை 9.00 மணிக்கு மூலவருக்கு அபிஷேக, ஆராதனை நடந்தது. தொடர்ந்து நண்பகல் 12:00 மணிக்கு கோவில் வளாகத்தில், அன்னதானம் வழங்கப்பட்டது.

மதியம் 1:30 மணிக்கு இரண்டாம் கால அபிஷேகமும், பகல் 2:00 மணிக்கு நாதஸ்வர கச்சேரியும், இரவு 10:00 மணிக்கு தெய்வீக நாடகமும் நடந்தது. மூலவர் சிறப்பு மலர் அலங்காரத்தில் பக்தர்களுக்கு அருள்பாலித்தார்.