செய்யூர் அடுத்த ஓணம்பாக்கம் கிராமத்தைச் சேர்ந்த வேலு, 45, என்பவருக்கும், பக்கத்து வீட்டைச் சேர்ந்த சிவக்குமார், 48, என்பவருக்கும் இடையே, பல மாதங்களாக நிலத்தகராறு இருந்து வருகிறது.

இந்நிலையில், வேலுவின் 16 வயது மகள், நேற்று காலை 6:00 மணியளவில், கிராம சேவை மையம் அருகே நடந்து சென்றார். அப்போது, சிவக்குமாரின் 16 வயது மகன், கத்தியால் சிறுமியின் முதுகில் குத்தியுள்ளார்.

இதில் பலத்த காயமடைந்த சிறுமி, செங்கல்பட்டு அரசு மருத்துவமனையில் அனுமதிக்கப்பட்டு, சிகிச்சை பெற்று வருகிறார். இதுகுறித்து செய்யூர் போலீசார் வழக்கு பதிந்து, சிறுவனிடம் விசாரித்து வருகின்றனர்.