நேற்று, அதிகாலை 5:00 மணிக்கு மங்கல இசையுடன், மூலவர் சந்தன காப்பு அலங்காரத்துடன் விழா நிகழ்ச்சிகள் நடந்தன.

காலை 7:00 மணிக்கு சேவல் கொடியேற்றுதலுடன் விழா தொடங்கி, மூலவர் சன்னிதியில் உள்ள சின்மய விநாயகர், பாலமுருகனுக்கு சிறப்பு அபிஷேக, ஆராதனைகள், சந்தனக் காப்பு அலங்காரம் நடைபெற்றது.

பின், 7:00 மணிக்கு மேல், எலப்பாக்கம் மற்றும் சுற்றுவட்டார பகுதிகளைச் சேர்ந்த, விரதமிருந்து காப்பு அணிந்த பக்தர்கள், பால் காவடி, வேல் காவடி, பறவை காவடி எடுத்து, முக்கிய வீதிகளின் வழியாக சென்று நேர்த்திக் கடனை செலுத்தினர்.

நண்பகல் 1:00 மணியளவில், மும்மூர்த்திகளுக்கு மஹா சிறப்பு அபிஷேகமும், மாலை 6:00 மணிக்கு மஹா தீபாராதனையும் நடந்தது.

பின், இரவு, 2:00 மணிக்கு, மலர்கள் மற்றும் மின் விளக்குகளால் அலங்கரிக்கப்பட்ட இந்திர வாகனத்தில், சின்மய விநாயகர் மற்றும் பாலமுருகன் முக்கிய வீதிகளில் வலம் வந்தனர்.

இவ்விழாவில் பங்கேற்ற பக்தர்களுக்கு அன்னதானம், பிரசாதம் வழங்கப்பட்டது.