செய்யூர் கிராமத்தில், திரவுபதி அம்மன் கோவில் வசந்த திருவிழா, கடந்த 5ம் தேதி கொடியேற்றத்துடன் துவங்கியது,

தினமும் மாலையில், மகாபாரதம் சொற்பொழிவு நடந்தது. அதன்பின், மகாபாரதம் தொடர்பான கட்டைக்கூத்து நாடகம் நடந்தது.

நேற்று மதியம் 1:15 மணியளவில், வசந்த திருவிழாவின் முக்கிய நிகழ்வான துரியோதனன் படுகளம் நிகழ்ச்சி நடந்தது.

கோவில் முன்பு, பிரமாண்டமாக களிமண்ணால் 35 அடி துரியோதனன் சிலை செய்யப்பட்டு, நாடக நடிகர்கள் பீமன் -- துரியோதனன் வேடமிட்டு, போர்க்கள காட்சியை தத்ரூபமாக நடித்தனர்.

அதன் பின், கூந்தல் முடித்து, திரவுபதி அம்மனுக்கு பூச்சூட்டும் நிகழ்ச்சி நடந்தது. நேற்று மாலை 7:00 மணியளவில் தீமிதி விழா நடந்தது.

இன்று, பட்டாபிஷேகம் நடக்கிறது. இதற்கான ஏற்பாடுகளை, கோவில் நிர்வாகிகள், கிராம மக்கள் மற்றும் உபயதாரர்கள் செய்திருந்தனர்.