மதுராந்தகம் போக்குவரத்து பணிமனையில் இருந்து தடம் எண் : டி12 பேருந்து, அச்சிறுப்பாக்கம் வழியாக ஒரத்தி வரை இயக்கப்படுகிறது.

நேற்று காலை 9:00 மணி அளவில், ஒரத்தியிலிருந்து பள்ளி மாணவ - மாணவியர் மற்றும் பயணியர்களுடன் புறப்பட்ட பேருந்து, கீழ் அத்திவாக்கம் பயணியர் நிறுத்தம் பகுதியில் காலை 9:10 க்கு வந்ததது.

அங்கு, பள்ளி, கல்லுாரி மாணவ, மாணவியர் மற்றும் பயணியர் பேருந்தில் ஏறி உள்ளனர். இதனால், படியில் தொங்கியவாறு பயணம் செய்தால் பேருந்தை இயக்க மாட்டோம், படியில் இருந்து இறங்குங்கள், கதவுகளை மூட வேண்டும் என, ஓட்டுநரிடம், நடத்துநர் தெரிவித்துள்ளார்.

இதனால், பேருந்தை நிறுத்தி, படியில் தொங்கி வரும் நபர்கள் இறங்கினால் பேருந்து இயக்கப்படும் எனக் கூறி, மாணவர்கள் மற்றும் பயணியர் சிலரை இறக்கி உள்ளனர்.

பின், பேருந்து கதவுகளை மூடிக்கொண்டு, பேருந்தை மதுராந்தகம் நோக்கி ஓட்டிச் சென்றுள்ளனர். இதனால், ஆத்திரமடைந்த, பள்ளி மாணவர்கள் மற்றும் பேருந்து பயணியர் சிலர், கல் எடுத்து பேருந்தின் பின்பக்க கண்ணாடியை உடைத்து உள்ளனர்.

இதனால், அரசு பேருந்தில் பயணம் செய்த அனைவரையும், அத்திவாக்கம் பகுதியில் விட்டு ஒரத்தி காவல் நிலையத்திற்கு கொண்டு சென்றனர். இதுகுறித்த புகாரின்படி போலீசார் விசாரித்து வருகின்றனர்.