திருப்போரூர் ஒன்றியம், முட்டுக்காடு ஊராட்சி கழிப்பட்டூர் தனியார் அடுக்கு மாடி குடியிருப்பில் வசிப்பவர்கள் சுரபி, 26, டேனியேல்.18. இவர்கள், நேற்று முன்தினம் நள்ளிரவு 12:00 மணியளவில் வெளியில் சென்றுவிட்டு அடுக்குமாடி குடியிருப்புக்கு திரும்பினர்.

தங்கள் பைக்கை பார்க்கிங்கில் நிறுத்தியபோது, அங்கு பைக்கில் வந்த மர்ம நபர்கள், இருவரிடமும் பேச்சு கொடுத்தனர்.

பின் அவர்களை மிரட்டி இரண்டு ஐ போன்கள், கிரெடிட் கார்டு, விலை உயர்ந்த வாட்ச், 4,500 ரூபாய் பணம் உள்ளிட்டவற்றை பறித்து தப்பினர். இதுகுறித்த புகாரின்படி கேளம்பாக்கம் போலீசார் வழக்கு பதிந்து, அப்பகுதி 'சிசிடிவி' கேமரா காட்சிகளை ஆய்வு செய்து விசாரிக்கின்றனர்.