ஒரகடம், ஸ்ரீ பெரும்புதுார் பகுதியில் உள்ள தொழிற்சாலைகளுக்கு வந்து செல்லும் பல்லாயிரக்கணக்கான வாகனங்கள், தினமும் சென்று வருகின்றன.

இந்த சாலையை ஒட்டி கொளத்துார் பகுதியில் உள்ள அரசு மேய்க்கால் புறம்போக்கு இடத்தில், தாம்பரம் மாநகராட்சியில் இருந்து குப்பை லாரிகள் வாயிலாக கொண்டு வந்து குப்பை கொட்டப்படுகிறது.

குப்பையை கொட்டி விட்டுச் செல்லும் லாரிகளில் கடைசியாக உள்ள குப்பையை, லாரி ஓட்டுநர்கள் நெடுஞ்சாலையில் கொட்டி விட்டுச் செல்கின்றனர்.

இதன் காரணமாக, சாலையின் இருபுறமும் குப்பை, மின்சார ஒயர்கள் மற்றும் மணல் திட்டுகள் பல்வேறு இடங்களில் பரவி காணப்படுகின்றன.

இதனால், வாகனங்கள் செல்லும் போது புழுதி பறந்து, சக வாகன ஓட்டிகள் கண் எரிச்சல், சுவாச பிரச்னைகளால் அவதியடைந்து வருகின்றனர்.

மேலும், வேகமாக செல்லும் இருசக்கர வாகன ஓட்டிகள் மணல் திட்டுகள் மீது செல்லும் போது, சறுக்கி கீழே விழுந்து காயமடைந்து வருகின்றனர்.

எனவே, இவற்றை சரி செய்ய மாவட்ட நிர்வாகம் உரிய நடவடிக்கை எடுக்க வேண்டும்.

இவ்வாறு அவர்கள் கூறினர்.