கல்பாக்கம் நகரியம், பகிங்ஹாம் கால்வாய் முகத்துவார கடற்கரை பகுதியில், நேற்று காலை 7:00 மணிக் கு, மர்ம பொருள் ஒன்று கரை ஒதுங்கி இருந்தது. அங்கு நடைபயிற்சிக்கு சென்றவர்கள் பார்த்து, கல்பாக்கம் போலீசாருக்கு தெரிவித்துள்ளனர்.

அவர்கள் சென்று பார்த்த போது, 1 மீ., நீளம், 6 செ.மீ., விட்டம் கொண்ட ஆரஞ்ச் நிற இரும்பு உருளை, அதனுடன் மஞ்சள் நிற இணைப்பு பை இருந்தது. அமெரிக்க நாட்டு தயாரிப்பு என குறிப்பிடப்பட்டிருந்தது. அதை போலீசார் கைப்பற்றி விசாரித்தனர்.

அந்த பொருள், கப்பலில் ரசாயன வாயு நிரப்ப பயன்படுத்தக்கூடியது என தெரிந்தது.

இப்பகுதியில் கரை ஒதுங்கியது எப்படி என தொடர்ந்து விசாரிக்கும் போலீசார், அதை அரசு வெடிமருந்து கிடங்கில் ஒப்படைத்ததாக தெரிவித்தனர்.