தாய் இறந்த பின், பாட்டி சாந்தாவிடம் வசிக்கும் கமலேஷ்குமார், வெங்கப்பாக்கம், அரசு மேல்நிலைப் பள்ளியில், எட்டாம் வகுப்பு படித்து வருகிறார்.

அக்., 7ம் தேதி காலை, பள்ளிக்கு செல்ல இருசக்கர வாகனத்தில் லிப்ட் கேட்டு சென்றுள்ளார். ஆனால், பள்ளிக்கு செல்லவில்லை. வீட்டிற்கும் திரும்பவில்லை.

இதுகுறித்து, திருக்கழுக்குன்றம் போலீசில், பாட்டி சாந்தா புகார் அளித்தார். மாணவன் எங்கு சென்றார், இருசக்கர வாகனத்தில் சென்றவர் கடத்தினாரா என, பரபரப்பு ஏற்பட்டது.

போலீசார் தேடிய நிலையில், மாணவன் படத்துடன் சமூக ஊடகங்களில் தகவல் பரவியது. ராமேஸ்வரம் மண்டபம் பகுதிக்கு, ரயிலில் வந்து இறங்கிய அவரை, அப்பகுதியினர் சமூக ஊடக படம் வாயிலாக அடையாளம் கண்டு, போலீசாரிடம் ஒப்படைத்தனர்.

ரமேஷ் வெளிநாட்டு பணியில் உள்ளதாகவும், அங்கு வசிக்கும் தன் மூத்த சகோதரரை சந்திக்க கமலேஷ்குமார் சென்றதாகவும், அவரை இங்கு மீட்டு வந்து விசாரிக்க உள்ளதாகவும், திருக்கழுக்குன்றம் போலீசார் தெரிவித்தனர்.