தமிழ்நாடு டேபிள் டென்னிஸ் சங்கம் சார்பில், மாநில தரவரிசை டேபிள் டென்னிஸ் போட்டி, ஐ.சி.எப்., அரங்கில் நேற்று முன்தினம் நிறைவடைந்தது.

ஆண்கள் இறுதிப்போட்டியில், ஆர்.டி.டி.எச்.பி.சி., வீரர் எஸ்.தருண் 11 – -8, 8- – 11, 11 – -7, 4 – -11, 12 – -10, 15 – -13 என்ற செட் கணக்கில், அதே அகாடமி வீரர் கே.உமேஷை வீழ்த்தி முதலிடம் பிடித்தார்.

பெண்கள் பிரிவில், ஆர்.டி.டி.எச்.பி.சி., அகாடமியின் செலினா தீப்தி 11- – 9, 11- – 5, 11 – -9, 8 – -11, 6 – -11, 10 – -12, 11 – -5 என்ற கணக்கில் எஸ்.கே.அகாடமியின் எஸ்.யாஷினியை தோற்கடித்து கோப்பையை கைப்பற்றினார்.

* 19 வயதுக்கு உட்பட்டோருக்கான யு – 19 பிரிவில், சென்னை அச்சீவர்ஸ் அகாடமியின் எஸ்.ஸ்ரீராம் மற்றும் எம்.வி.எம்., வீராங்கனை பி.ஆர்.நந்தினி வெற்றி பெற்றனர்.

* யு – 17 பிரிவில், எஸ்.கே., அகாடமியின் எம்.முகமது மற்றும் ‘ஏஸ்’ டி.டி.ஏ., வீராங்கனை ஆர்.மெர்சி சாம்பியன் பட்டம் வென்றனர்.

* யு – 15 பிரிவில், எஸ்.கே.அகாடமியின் சஞ்சய் அர்விந்த், துரோணாச்சார்யா டி.டி.ஏ., வீராங்கனை சின்பனன்யா நந்தகோபால் ஆகியோர் முதலிடம் பிடித்தனர்.

* யு – 13 பிரிவில், ‘பெஸ்ட் ஷாட்’ டி.டி.ஏ., வீரர் ஆர்.சுஜேத் மற்றும் அதே அகாடமியின் என்.சஹானா வெற்றி பெற்றனர்.

* யு – 11 பிரிவில், ‘வின்வின்’ அகாடமியின் அகில் வினோத், ‘பெஸ்ட் ஷாட்’ டி.டி.ஏ. வீராங்கனை எச்.தியா ஆகியோரும், யு – 9 பிரிவில், எம்.ஏ.கே.சந்திரா அகாடமியின் எஸ்.அத்விக் மற்றும் கோயம்புத்துாரை சேர்ந்த என்.யந்தி ஆகியோரும் சாம்பியன் பட்டம் வென்றனர்.

* கார்ப்பரேட் பிரிவில் சென்னை ஜே.அருண்குமார், வெட்டரன் பிரிவில் எஸ்.ஆர்.எஸ்.ஏ., வீரர் ஜி.வினோத் ஆகியோர் முதலிடம் பெற்றனர்.

சிறந்த அகாடமிக்கான விருதை எஸ்.கே.அகாடமி கைப்பற்றியது. சிறந்த மாவட்ட வீரருக்கான வாசுதேவனன் நினைவு கோப்பை, சேலத்தைச் சேர்ந்த எம்.நிபிஷுக்கு வழங்கப்பட்டது.