இந்த டாஸ்மாக் கடைக்கு வருவோர், கொட்டமேடு-- கூடுவாஞ்சேரி சாலையில் இருசக்கர வாகனங்களை நிறுத்திவிட்டு, மது வாங்க கடைக்கு செல்கின்றனர்.

இதனால், சாலையில் பேருந்து, வேன், லாரி போன்ற கனரக வாகனங்கள் செல்வதற்கு போக்குவரத்து இடையூறு ஏற்படுகிறது.

டாஸ்மாக் கடையை மையப்படுத்தி செயல்பட்டு வரும் சில கடைகள் போன்றவற்றாலும், போக்குவரத்து நெருக்கடி ஏற்பட்டு வருகிறது.

குறிப்பாக, இரவு நேரத்தில் அதிக அளவில் விபத்துகள் நடக்கின்றன. மதுவாங்க வருவோர் சாலையை ஆக்கிரமித்து வாகனங்கள் நிறுத்துவதால் நடந்து செல்லும் பெண்கள், பள்ளி மாணவ - மாணவியர்கள் பாதிக்கப்படுகின்றனர்.

எனவே, டாஸ்மாக் கடையை வேறு பகுதிக்கு மாற்றம் செய்ய வேண்டும் என, பகுதிவாசிகள் மற்றும் வாகன ஓட்டிகள் கோரிக்கை விடுத்துள்ளனர்.